Arratsaldean zehar ere antzeko joera errepikatuko da, giroa eguzkitsua izanik. Azken orduetan berriro ere ez da baztertzen barnealdetik bero-hodeiren bat sartzea, baina ekaitzetarako probabilitatea txikia izango da. Ipar-haizeak jotzen jarraituko du, baina tenperaturak gora egingo du, 27-29 graduan joz goia.
Bihar goizeko lehen orduetan hodeiak ugariak izanagatik giro lasaia nagusituko da, baina eguerditik aurrera ezegonkortasuna areagotu egingo da. Zaparrada bakan batzuk izango dira, uneren batean ekaitzak jo eta zaparrada handi xamarren bat baztertu gabe. Gauean giroa lasaitu egingo da. Ipar-haizeak jotzen jarraituko du beste egun batez eta tenperaturak behera egingo du, 24-26 graduan joz goia.
