Arratsaldean aldaketa gutxi izango da, non berriro ere eguzkia jaun eta jabe izango den eta zerua urdin mantenduko den, azken orduetan barnealdetik barrena goi-hodeiak sartuagatik. Hego-ekialdeko haizea nagusituko da goizean, arratsaldean ipar-ekialdera eginez. Tenperatura igo eta 28-30 graduan joko du goia.
Bihar zeru urdina eta giro eguzkitsua jaun eta jabe direla hasiko da eguna. Arratsaldean giro lasaiak jarraipena izango du, baina mendebaldetik eta barnealdetik barrena erdi eta goi-mailako hodeiak ugarituko dira, zerua zertxobait zikinduz. Hala ere, ez dute inolako ondoriorik ekarriko. Hego-haizea nagusituko da goizean, arratsaldean iparraldetik finkatuz. Tenperaturak goraka jarraituko du, 30-32 graduan joaz goia.
