Gainera, hodei hauek han-hemenka euri txiki pixka bat ere utziko dute. Arratsaldea ere antzeko joerarekin emango da, non hodeiek zerua estali samarrik mantenduko duten eta tarteka euri txiki pixka bat izango den. Haizeak iparraldetik joko du eta tenperaturaren beherakada ikusgarria izango da, 20-22 graduan joz goia.
Bihar berriro ere zeru estaliarekin emango zaio hasiera egunari eta euri zaparrada batzuk izango dira, puntualki zaparrada mardulen bat baztertu gabe, bereziki eskualdearen ekialdean. Arratsaldean, aldiz, pixkanaka atertzera egingo du, arratsalde erdirako atertuko du eta azken orduetan ostarte politak irekiko dira. Ipar-haizearen eraginpean jarraituko dugu eta tenperaturak beheraka jarraituko du, 18-20 graduan joz goia.