Arratsaldearen lehen zatian antzeko joera nabarmenduko da, baina arratsalde erditik aurrera bero-hodeiak garatuko dira hegoaldetik barrena eta ez da baztertzen gau aldera ekaitzen bat lehertzea. Hego-ekialdeko haizea nagusituko da eta bero izango da, 29-32 graduan joaz goia tenperatura maximoa.
Bihar erdi eta goi-mailako hodei batzuk ostarteekin tartekatuko dira egunaren lehen zatian eta beste egun batez gandua ere presente izango da. Arratsaldeak aurrera egin ahala ordea bero-hodeiak garatu eta ekaitzetarako joera handiagoa hartuko du eguraldiak. Zaparradak arratsalde erditik aurrera emango dira eta tarteka handi xamarrak izan daitezke. Hego-haizearen eraginpean jarraituko dugu eta tenperatura are gehiago igoko da, 32-34 graduan joaz goia.
