Arratsaldean beroaren eraginez eta bero-hodeiren bat garatuko da mendi inguruetan, baina inolako ondoriorik ekarri gabe, giro lasaiak jarraipena izanik eguna amaitu bitarte. Goizean haize aldakorra ibiliko da, hego ukitu batekin. Arratsaldean ipar-ekialdekoa nagusituko da. Tenperaturak gora egin eta bero egingo du, 25-27 graduan joaz goia.
Bihar giro eguzkitsuarekin emango zaio hasiera egunari, non goi-hodei fin batzuk salbu zeruan urdina jaun eta jabe izango den. Arratsaldeko lehen orduak antzekoak izango dira, baina arratsalde erditik aurrera batetik bero-hodeiak garatuko dira eta bestetik itsasotik hodei baxuak sartuko dira, han-hemenka ekaitz zaparradaren bat baztertu gabe. Hego-haizea nagusi izango da goizean, arratsaldean ipar-mendebaldekoa nagusituz. Tenperaturak gora egin eta bero handia izango da, 30-32 graduan joaz goia.
