Arratsaldean joera berbera errepikatuko da eta giro bikain eta sanoak jarraipena izango du eguna amaitu bitarte. Ipar-ekialdeko haize leuna gailenduko da eta tenperaturak gora egingo du, 20-22 graduan joaz goia.
Bihar goizean behe-laino pixka bat ager badaiteke ere, leku gehienetan zeru garbiarekin hasiko da eguna eta giro ederra nagusituko da. Arratsaldean zehar giro eguzkitsuak jarraipena izango du, nahiz eta, bero-hodeiren bat edo beste ikusiko den. Haizeak hego ukitua izango du eta horrekin tenperaturak nabarmen gora egingo du, 24-26 graduan joaz goia, txokoren batean gorago igotzea baztertu gabe.