Bihar, hodeitsu egongo da zerua, goizean goizetik. Egunaren lehen zatian zaparrada isolaturen bat salbu, giro ateri eta lasaia nagusituko da. Arratsaldeko lehen orduetan aldiz, ezegonkortasuna areagotu eta barnealdetik zaparradaren bat edo beste sartuko da, ekaitzak jotzea baztertu gabe. Hala ere, ez da euri askorik espero. Hego-haizeak aurreko egunetan baina ahulago joko du, nahiz eta, bolada biziak utzi. Tenperaturak zertxobait behera egingo du, 21-23 graduan joz goia.
Goizean goizetik hasita zeruan erdi-mailako hodeiak eta ostarteak tartekatuko dira, non goizean ostarteak nagusi izango diren eta giro argia izango den. Eguerdi, arratsaldeko lehen orduan erdi-mailako hodeiak ugaritu eta zerua estaliago agertuko da, eta ez den baztertzen barnealdetik euri tantaren bat edo beste erortzea. Ezer gutxi, hala ere. Gauean zerua garbiago geratuko da. Hego-haizeak zakar joko du egunaren lehen zatian, bigarrenean ahulduz. Tenperaturak antzeko jarraituko du, 22-24 graduan joz goia.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!