Arratsaldean ordea, berriz ere barnealdetik barrena bero-hodeiak garatuko dira, zerua estaliko dute eta euritara joko du. Zaparradak ekaitz kutsukoak izango dira eta ez da baztertzen uneren batean mardulak izatea. Gau aldera giroa lasaitu egingo da. Hego-haizeak joko du, baina indar dezente galduko du. Tenperaturak koska bat gora egingo du, 23-25 graduan joz goia.
Bihar goizean hodeiak eta ostarteak tartekatuko dira eta giroa lasaia izango da. Eguerditik aurrera ordea hodeiak ugarituko dira beste behin eta euritara joko du. Zaparrada giroa nagusituko zaigu eta egunaren bigarren zatian nahiko giro bustia izango da. Goizean hego-haize ahula ibiliko da, baina eguerditik aurrera ipar-mendebaldera egin eta bizitu egingo da. Tenperaturak nabarmen behera egingo du, 17-19 graduan joz goia.