Arratsaldean aldiz, hodei-geruza trinkotu eta barnealdetik barrena zaparrada batzuk sartuko dira, uneren batean ekaitzak jotzea baztertu gabe. Hala ere, litro gutxi espero da eta azken orduetan ateri geratuko da. Hego-haizeak zakar joko du eta tenperaturak behera egingo du, 22-24 graduan joz goia.
Bihar goizean hodeiak eta ostarteak eta giro atsegina nagusituko dira, non ateri egongo den. Arratsaldean ordea, berriz ere barnealdetik barrena bero-hodeiak garatuko dira, zerua estaliko dute eta euritara joko du. Zaparradak ekaitz kutsukoak izango dira eta ez da baztertzen uneren batean mardulak izatea. Gau aldera giroa lasaitu egingo da. Hego-haizeak joko du, baina indar dezente galduko du. Tenperaturak koska bat gora egingo du, 23-25 graduan joz goia.