Arratsaldean ordea hodeiak ugaritu egingo dira, zerua estaliko da eta euritara joko du. Zaparradak botako ditu, tarteka mardul botako duelarik, uneren batean ekaitzak jotzea baztertu gabe. Goizean hego-mendebaldeko haize zakarra nagusituko da, arratsaldean ipar-mendebaldetik finkatuz. Tenperaturak gora egingo du, 22-24 graduan joaz goia, baina azken orduetan asko freskatuko du.
Bihar goizean goizetik hasita zeruan hodeiak nagusi izango dira eta euri giroa nagusituko da. Goizean goiz euri gutxi izango da, baina goiz erditik aurrera zaparradak ugaritu egingo dira eta tarteka mardul botako du, bereziki egunaren erdiko orduetan. Azken orduetan giroa lasaitu egingo da. Ipar-mendebaldeko haizea nagusituko da eta tenperaturak nabarmen behera egingo du, 13-15 graduan joz goia.