Arratsaldeko lehen orduan bero-hodei batzuk garatuko dira, baina orokorrean ez dute inolako ondoriorik ekarriko, ateri eutsiko dio eta giroak lasaia izaten jarraituko du. Haize aldakorra izango da goizean, arratsaldean ipar ukitua hartuz berriz ere. Tenperaturak behera egingo du, 19-21 graduan joaz goia.
Bihar goizean aurreko egunetan baina hodei gehixeago agertuko da, baina ostarteak nagusi izango dira eta giroa argia eta atsegina izango da. Arratsaldean berriz ere bero-hodeiak garatuko dira eta ez da baztertu behar ekaitz kutsuko zaparradaren bat botatzea. Hala ere, orokorrean ateri eutsiko dio. Hego-ekialdeko haizeak tarteka bizi joko du. Tenperaturak koska bat gora egingo du, 20-22 graduan joaz goia.
