Arratsaldean ere antzeko joera errepikatuko da, non, nahiz eta, tarteka bero-hodeiren bat edo beste agertu, giro eguzkitsu eta ederrak jarraipena izango duen. Haizea goizean aldakor xamar ibiliko da, arratsaldean iparraldera eginez. Tenperaturak gora egingo du, 22-24 graduan joaz goia egunaren erdiko orduetan.
Bihar goizean berriz ere zerua ia erabat urdin agertuko da eta giroa eguzkitsua eta ederra izango da. Arratsaldeko lehen orduan bero-hodei batzuk garatuko dira, baina orokorrean ez dute inolako ondoriorik ekarriko, ateri eutsiko dio eta giroak lasaia izaten jarraituko du. Haize aldakorra izango da goizean, arratsaldean ipar ukitua hartuz berriz ere. Tenperaturak behera egingo du, 19-21 graduan joaz goia.
