Eguerditik aurrera hodeiak ugaritu, zerua estali eta euritara joko du. Zaparrada batzuk emango dira, orokorrean indar handirik gabeak eta litrotan ez da askorik pilatuko. Haizea aldakor antzean eta ahulago ibiliko da, goizean hego ukitu batekin eta arratsaldean iparraldekoarekin. Tenperatura antzeko kokatuko da, 18-20 graduan joz goia.
Bihar goizean berriz ere hodeiak eta ostarteak tartekatuko dira, baina ostarteak nagusi izango dira eta giro atsegina nagusituko da. Arratsaldean berriz ere hodeiak ugarituko dira, baina apenas espero den euririk eta tantaren bat salbu giro ateria eta lasaia nagusituko da. Haizea aldakor ibiliko da, tarteka ipar ukitu batekin. Tenperaturak zertxobait bada ere behera egingo du, nekez gaindituz 17-19 graduak egunaren erdiko orduetan.