Arratsaldearen gehienean ere antzeko joera errepikatuko da, non hodei solteren bat salbu, zeru urdina eta giro eguzkitsua nagusituko diren. Gauean hodei batzuk sartuko dira mendebaldetik, baina ondoriorik gabe. Goizean hego ukituko haizea ibiliko da, arratsaldean ipar-ekialdetik finkatuz. Tenperaturak gora egingo du, 20-22 graduan joaz goia.
Bihar goizean erdi eta goi-mailako hodei batzuk ostarteekin tartekatuko dira eta giroa argia eta atsegina izango da. Arratsaldeak aurrera egin ahala ordea, barnealdetik hodeiak trinkotu eta azken orduetan zerua estalirik geratuko da. Hala ere, apenas espero den euririk. Hego-ekialdeko haizeak zakar joko du, bereziki haize-guneetan. Tenperaturak koska dezentea behera egingo du, 15-17 graduan joaz goia.
