Zaparradak ahulak izango dira orokorrean, baina puntualki bizi xamar botako du eta goiza tristea izango da. Arratsaldean zehar ordea pixkanaka euria gutxitzen joango da, gau aldera nahiko ateri geratuko delarik. Ipar-haizea bizi xamar ibiliko da eta tenperaturak behera egingo du, 10-12 graduan joz goia egunaren erdiko orduetan.
Bihar goizean hodei dezente agertuko da, gehienbat lanbro-lainoa nagusituko delarik, baina hodei hauek apenas utziko duten euririk eta goizak aurrera egin ahala ostarteak irekitzen joango dira gainera. Arratsaldean zehar ostarte ederra irekiko da eta aspaldiko partez eguzkia bistan izango da, egunaren bigarren zatia oso atsegina izango delarik. Haizeak goizean iparraldetik joko du, arratsaldean aldakor geratuz eta azken orduetan hego ukitu bat hartuz. Tenperaturak gora egingo du, 13-15 graduan joz goia.