Arratsaldean zehar ordea hodeiak ugaritu eta trinkotu egingo dira eta azken orduetan euri zaparrada txikiren bat edo beste izango da. Goizean hego-mendebaldeko haize bizia ibiliko da, arratsaldean mendebal/ipar-mendebaldetik finkatuz. Tenperaturak behera egingo du, 14-16 graduan joz goia.
Bihar goizean goizetik hasita zerua estalirik egongo da eta euri giroa nagusituko da. Zaparradak nahiko sarri botako ditu, bereziki egunaren erdiko orduetan eta orduan tarteka mardul xamarrak izango dira. Azken orduetan euri gutxiago izango da, baina ez du erabat atertzerik lortuko. Ipar-mendebaldeko haizearen eraginpean izango gara eta tenperaturak freskatu polita hartuko du, 11-13 graduan joz goia egunaren erdiko orduetan.