Arratsaldean hodei trinkoagoak sartuko dira barnealdetik eta ez da baztertzen tantaren bat edo beste botatzea. Hala ere, huskeria izango da eta gehienean ateri eutsiko dio. Hego-ekialdeko haizeak oso zakar joko du eta tenperaturan ez da aldaketarik emango, 13-15 graduan joaz goia.
Bihar, beste egun batez jarraian, goizean goizetik hasita zeruan erdi eta goi-mailako hodeiak nagusi izango dira. Hodei hauek eguneko une batzuetan zerua estaliago izango dute, baina tanta isolaturen bat salbu, apenas espero den euririk, giro lasaia nagusituko delarik. Hego/hego-ekialdeko haizeak oso zakar jotzen jarraituko du. Tenperaturak nabarmen gora egingo du, 17-19 graduan joaz goia.
