Zaparradak egun osoz emango dira eta orokorrean ez dira indartsuak izango, baina tarteka bizi xamar botako du, giro bustia nagusituko delarik. Ipar ukituko haize ahula nagusituko da eta tenperaturak nabarmen behera egingo du, 8-10 graduan joaz goia egunaren erdiko orduetan. Litekeena da egun amaieran Aralarren elur pixka bat egitea.
Bihar goizean hodei asko izango da, baina orokorrean hodei hauek euri gutxi utziko dute. Eguerditik aurrera ordea euritarako joera handiagoa hartuko du. Zaparradak ez dira mardulak izango, baina puntualki bizi xamar botako du. Ipar/ipar-ekialdeko haize fina nagusituko da eta tenperaturak beherako bideari eutsiko dio, 7-9 graduan joaz goia egunaren erdiko orduetan. Elur-maila 700-800 metroan kokatuko da.
