Zaparradak orokorrean ahulak izango dira eta ez da litro askorik espero. Hala ere, egunaren bigarren zatia bustia izango da. Hego-ekialdeko haizeak oso zakar jotzen jarraituko du. Tenperaturan aldaketarik ez, 15-17 graduan joz goia egunaren erdiko orduetan.
Bihar goizean hodei asko agertuko da zeruan, baina orokorrean ateri eutsiko dio eta giro lasaia izango da goizeko lehen ordutik hasita. Gainera, goizak aurrera egin ahala, eta bereziki eguerditik aurrera, ostarteak irekiko dira eta egunaren bigarren zatian giro polit eta atsegina nagusituko da. Hego/hego-ekialdeko haizeak bizi jotzen jarraituko du, baina indarra galduko du. Tenperaturak zertxobait behera egingo du, 14-16 graduan joz goia.