Hodei hauek gainera ez dute euririk utziko eta giroa lasaia eta atsegina izango da. Hego-ekialdeko haizeak zakar edo oso zakar joko du eta tenperaturak nabarmen gora egingo du, 16-18 graduan joko duelarik goia.
Bihar, beste egun batez jarraian erdi eta goi-mailako hodeiak agertuko dira zeruan, non berriz ere ugaritu egingo diren. Hala ere, ostarte batzuk ikusiko dira zeruan eta hodei hauek ez dutenez euririk ekarriko, giro lasaia eta atsegina nagusituko da. Hego-ekialdeko haizeak zakar edo oso zakar joko du, bereziki haize guneetan eta mendi inguruetan. Tenperaturak zertxobait behera egingo du, 14-16 graduan joko duelarik goia.