Eguerdi, arratsaldeko lehen orduan ez da baztertu behar euri txiki pixka bat egitea, baina huskeria izango da. Gauean ostarte txiki batzuk irekiko dira, baina hodeiek nagusi izaten jarraituko dute. Ipar-ekialdeko haize fina nagusituko da eta tenperaturak behera egingo du, 11-13 graduan joz goia.
Bihar, goizean goizetik hasi eta egun guztian zehar zeruan hodeiak nagusi izango dira. Hala ere, aurreko egunarekin alderatuz zerua ez da hain estalirik izango. Hodeiek ez dute euririk utziko eta giroa lasaia izango da. Ipar/ipar-ekialdeko haizea nagusituko da eta ahul ibiliko da. Tenperaturak behera egingo du eta hotz egingo du, 8-10 graduan joz goia.