Arratsaldean erdi eta goi-mailako hodeien presentzia areagotu egingo da, baina hodei hauek ez dute inolako ondoriorik ekarriko eta giro lasaiak jarraipena izango du. Hego-haizeak indar pixka bat hartu eta tarteka zakar joko du. Tenperaturak gora egingo du, 18-20 gradu oso epeletan joaz goia.
Bihar goizean erdi eta goi-mailako hodeiak ostarteekin tartekatuko dira, baina orokorrean giroa argia eta atsegina izango da egunaren lehen zatian. Arratsaldean zehar, hori bai, hodeiak ugaritzen joango dira mendebaldetik barrena, egun amaieran zerua estalirik utziko dute eta gau aldera ez da baztertzen tantaren bat edo beste egitea. Hego-haizea hizpide izango da, bolada oso zakarrak utziko baititu, bereziki haize guneetan eta mendi inguruetan. Tenperaturak behera egingo du, 16-18 graduan joaz goia.
