Arratsaldean hodei hauek ugaritu egingo dira, zerua tarteka estaliago agertuko da, baina ez dute euririk utziko eta giro lasaiak jarraipena izango du. Haizeak hegotik joko du, baina orokorrean ahul ibiliko da. Tenperaturak beste koska bat gora egingo du, 17-19 graduan joaz goia.
Bihar goizean erdi eta goi-mailako hodeiak ugariak izango dira eta zerua tarteka estalirik izango dute. Hala ere, hodei hauek ez dute inolako ondoriorik ekarriko eta giroa lasaia izango da. Arratsaldean hodeiak trinkotu egingo dira eta ez da baztertzen tanta isolaturen bat botatzea. Hala ere, huskeria izango da eta orokorrean ateri eutsiko dio. Haizeak hegotik eta ahul jotzen jarraituko du. Tenperaturak zertxobait behera egingo du, 16-18 graduan joaz goia.