Arratsaldean hodeiak ugarituko dira berriro eta mendebaldetik zaparrada ahulen bat iritsiko da, baina ezer askorik ez. Gauean giro lasaia geratuko da. Haizeak aldakor antzean joko du, tarteka hego ukitu batekin eta azken orduetan ipar-mendebaldetik finkatuz. Tenperaturak gora egingo du, 13-15 graduan joaz goia.
Bihar goizean oraindik hodei batzuk agertuko dira, baina goizean zehar ostarteak nagusitzen joango dira, eguerdi alderako nahiko giro argia geratuko delarik. Arratsaldean erdi eta goi-mailako hodeiak ostarte zabalekin tartekatuko dira eta eguraldi ederra nagusi izango da. Arratsaldeko lehen orduak arte haize aldakorra ibiliko da, ondoren hegoaldekoa nagusituz. Tenperaturak gora egingo du, 16-18 gradu epeletan joaz goia.
