Zaparradak egun osoan zehar emango dira, baina ugarienak goizean emango dira, puntualki bizi xamar botako duelarik. Arratsaldean zehar euria gutxitzen joango da, gau aldera ateri xamar geratuko delarik. Haizeak mendebal/ipar-mendebaldetik indar askorik gabe joko du. Tenperaturak behera egingo du, 11-13 graduan joaz goia.
Bihar goizean hodei dezente agertuko da zeruan, baina goizak aurrera egin ahala ostarteak nagusituko dira eta giro ederra geratuko da. Giro eder honek jarraipena izango du arratsalde erdi arte, baina azken orduetan hodeiak ugarituko dira, gau partean euri txiki pixka bat egitea baztertu gabe. Haizeak aldakor antzean joko du, tarteka hego ukitu batekin eta azken orduetan ipar-mendebaldetik finkatuz. Tenperaturak gora egingo du, 13-15 graduan joaz goia.
