Eguerdi aldera ordea fronte bat iritsiko da mendebaldetik, zerua estali eta euritara joko du. Zaparradak orokorrean ahulak izango dira, baina tarteka mardul xamar botako du. Frontea pasa ostean giro lasaiagoa izango da, baina gauean euri gehiago espero da. Goizean hego-mendebaldeko haizea ibiliko da, arratsaldean mendebal/hego-mendebala nagusituz. Tenperaturak behera egingo du, 7-9 graduan joaz goia. Gauean elur-maila 1.000 metrotan edo beheraxeago kokatuko da.
Bihar goizean hodei dezente izango da zeruan, baina orokorrean tantaren bat salbu giro ateri eta lasaia nagusituko da. Arratsaldean hodeiak ugarituko dira eta tarteka euri txiki pixka bat espero da. Hala ere, orokorrean oso euri gutxi espero da. Haizeak ipar-ukitu bat izango du, baina orokorrean ahul ibiliko da. Tenperaturak antzeko jarraituko du, 7-9 graduan joz goia. Botatzen duena elur modura izango da 1.000 metro ingurutik gora.
