Ezer askorik ez, hala ere. Eguerditik aurrera fronte bat iritsiko da, zerua ilundu eta euritarako joera nabarmenagoa hartuko du eguraldiak. Zaparradak ez dira oso indartsuak izango, baina puntualki mardul botako du, bereziki frontea iristean. Gauean giroa lasaituko du. Goizean eta azken orduetan hego-mendebaleko haizea ibiliko da, erdiko orduetan mendebala nagusituz. Tenperaturak behera egingo du, 14-16 graduan joaz goia.
Bihar goizean erdi eta goi-mailako hodeiak ugariak izango dira, baina ateri egongo da eta tarteka ostarte txiki batzuk irekiko direnez, giro atsegina nagusituko da. Eguerditik aurrera ordea hodeiak ugaritu, zerua estali eta euritara joko du. Zaparradak orokorrean ez dira intentsitate handikoak izango, baina arratsalde bustia izango da. Hego-mendebaldeko haize zakarrak joko du, bereziki arratsaldean. Tenperaturak behera egingo du, 12-14 graduan joaz goia.