Eguerdirako ordea orokorrean ateri geratuko da eta arratsaldean ostarte zabalak irekiko dira, giro argia eta lasaia nagusituko delarik. Haizeak goizean ipar-mendebaldetik joko du, arratsaldean iparraldetik joko duelarik eta orokorrean ahul, gauean aldakor geratuz. Tenperaturak behera egingo du, 12-14 graduan joaz goia.
Bihar goizean goizetik hasita erdi eta goi-mailako hodeiak ostarteekin tartekatuko dira, orokorrean ostarteak nagusi izango direlarik, nahiz eta, egunaren bigarren zatian hodei gehiago ikusiko den. Hodei hauek gainera ez dute inolako ondoriorik ekarriko eta ateri eutsiko dio. Hego/hego-mendebaldeko haizeak zakar edo oso zakar joko du, bereziki haize guneetan eta mendi inguruetan. Tenperaturak nabarmen gora egingo du, 17-19 graduan joaz goia.
