Goizean eta arratsaldearen zatirik handienean hodeiak nagusi izango dira eta zerua estalirik mantenduko dute. Gainera ez da baztertzen hodei hauek han-hemenka euri txiki pixka bat uztea. Azken orduetan hori bai, ostarteak nagusitzen joango dira eta eguna hodei gutxirekin amaituko da. Ipar-ekialdeko haize fina nagusituko da eta tenperaturak behera egingo du, 6-8 graduan joz goia.
Biharkoan, goizean behe-lainoa agertuko bada ere, goizean zehar jasoko du eta zerua urdin geratuko da. Arratsaldean hodei bakanen bat salbu, zerua urdin mantenduko da eta giro eguzkitsu eta ederra nagusituko da. Haizeak hegotik eta orokorrean ahul joko du, tarteka bolada biziren batekin. Tenperaturak nabarmen egingo du gora, 12-14 graduan joz goia.
urt 16
Tolosaldea
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!