Arratsaldean hegoaldetik erdi eta goi-mailako hodeiak ugarituko dira, baina bestelako ondoriorik ekarri gabe, giro atseginak jarraipena izango duelarik. Hego-haize leunak joko du eta tenperaturan ez da aldaketarik emango, 9-11 graduan joko dutelarik goia egunaren erdiko orduetan.
Bihar goizean goizetik hasita hodei ugari izango da zeruan, gertu xamar pasako den fronte baten eraginez. Gainera, goiz erditik aurrera han-hemenka euri zipriztinen bat edo beste izango da, gau partean bizi xamar botatzea baztertu gabe. Haizeak ipar-mendebaldeko ukitua hartuko du egunean zehar eta tenperaturan ez da aldaketa handirik espero, 9-11 graduan joko dutelarik goia eta giro fresko edo hotzak jarraipena izango duelarik.
