Eguerditik aurrera ostarte zabalak irekiko dira eta arratsaldean giro argia nagusituko da, tarteka goi-hodei zurixka batzuekin. Haizea goizean aldakor ibiliko da, arratsaldean hego-ekialdetik finkatuko delarik. Tenperaturak zertxobait gora egingo du, 5-8 graduan joaz goia.
Goiz oso hotz baten ostean eta behe-lainoa jaso ondoren, egun osoan zehar erdi eta goi-mailako hodei batzuk ostarteekin tartekatuko dira biharkoan, baina giroa argia eta eguzkitsua izango da aspaldiko partez. Hego-ekialdeko haize ahula nagusituko da eta tenperaturak koska polita gora egingo du, 9-11 gradu bitartean errendituko delarik egunaren erdiko orduetan.
