Gainera, goizak aurrera egin ahala eta bereziki arratsaldean hodeiak gutxitu eta giro eguzkitsu eta ederra nagusituko da. Hego-haizeak zakar edo oso zakar joko du, bereziki arratsaldean eta gauean. Tenperaturak gora egingo du, 15-17 graduan joaz goia egunaren erdiko orduetan.
Giro haizetsua izango dugu bihar. Goizean erdi eta goi-mailako hodei ugari agertuko da zeruan, baina giro lehorra eta lasaia nagusituko da. Egunaren erdiko orduetan ostarte batzuk zabalduko dira, giro argia nagusituko delarik. Azken orduetan hodeiak ugarituko dira, baina inolako ondoriorik ekarri gabe. Hego-haizeak oso zakar joko du, bolada oso gogorrekin haize guneetan. Tenperaturek gora egingo dute, 17-19 graduan joaz goia.