Arratsalde erditik aurrera ordea berriz ere hodeiak ugaritu eta euritara joko du, non tarteka mardul botako duen. Arratsalde erdi arte hego-mendebaldeko haize zakarra ibiliko da, ondoren ipar-mendebaldera aldatuz. Tenperaturak gora egingo du, 15-17 graduan joaz goia.
Bihar goizean hodei asko izango da zeruan eta oraindik zaparrada batzuk izango dira. Eguerditik aurrera atertzera egingo du, non arratsaldean ateri geratuko den eta ostarte batzuk ere zabalduko diren. Haizeak goizean ipar-mendebaldetik joko du, arratsaldean ipar-ekialdetik finkatuko delarik. Tenperaturak nabarmen behera egingo du, 10-12 graduan joaz goia.
