Zaparradak egun osoan zehar botako ditu, non tarteka mardulak izango diren eta litro dezente pilatuko diren, bereziki arratsaldean. Mendebal/ipar-mendebaldeko haize bizia nagusituko da eta tenperaturak behera egingo du, 12-14 graduan joaz goia.
Bihar goizean goiz hodei dezente agertuko da eta zaparradaren bat izango da oraindik. Ondoren, goiz erditik hasi eta arratsalde erdi arte hodeiak eta ostarteak eta giro lasaiagoa nagusituko dira. Arratsalde erditik aurrera ordea berriz ere hodeiak ugaritu eta euritara joko du, non tarteka mardul botako duen. Arratsalde erdi arte hego-mendebaldeko haize zakarra ibiliko da, ondoren ipar-mendebaldera aldatuz. Tenperaturak gora egingo du, 15-17 graduan joaz goia.
