Eguerdian eta arratsaldeko lehen orduetan lasaialdi bat hartuko du eguraldiak, giro ateriarekin eta ostarte txiki batzuekin. Ilunabar aldera ordea hodeiak ugaritu eta zaparradak ugarituko dira. Ipar/ipar-ekialdeko haize bizia ibiliko da. Tenperaturak behera egingo du, 9-11 graduan joaz goia.
Giro hotza izango dugu bihar. Goizean hodei asko izango da zeruan eta litekeena da tantaren bat edo beste botatzea, elur modura izango direlarik 1000 metrotik gora. Eguerditik aurrera ordea giroa lasaia izango da, giro ateria nagusituko delarik eta tarteka ostarte txiki batzuk irekiko direlarik. Ipar-ekialdeko haize biziak joko du eta tenperaturak beste koska bat behera egingo du, 8-10º graduan joaz goia.
