Zaparrada batzuk botako ditu, baina tartekatuak izango dira eta ez oso indartsuak, litro askorik pilatuko ez delarik. Ilunabar, gau partean aldera giro lasaiagoa izango da. Ipar-mendebaldeko haizea ibiliko da azken orduetan hego-mendebaldetik finkatuz. Tenperaturak behera egingo du, 15-17 graduan joaz goia.
Giro kaxkarra izango dugu bihar. Egun osoan zehar hodeiak nagusi izango dira zeruan eta euri giroa nagusituko da. Zaparradak edonoiz botako ditu eta tarteka mardul egingo du, batez ere, egunaren erdiko orduetan. Ipar-mendebaldeko haize bizia ibiliko da, tarteka bolada zakarrekin eta tenperaturak beherako bideari eutsiko dio, nekez gaindituko direlarik 13-15 graduak egunaren erdiko orduetan.