Aldaketarik gabe

Erabiltzailearen aurpegia Iker Ibarluzea 2024ko aza. 3a, 06:59

Gaur ez da aldaketarik izango eguraldian. Goizean zerua ia erabat oskarbi agertuko da, tarteka erdi eta goi-mailako hodeiren batekin.

Arratsaldean erdi eta goi-mailako hodeien presentzia areagotu egingo da, baina inolako ondoriorik ekarri gabe. Hego-haizeak indarra hartuko du eta tarteka zakar joko du. Tenperaturak koska bat behera egingo du, 19-21 graduan joaz goia.

Giro lasaia nagusituko da bihar. Aurreko egunekin alderatura zeruan hodei gehiago agertuko da, baina hodei hauek ez dute inolako ondoriorik ekarriko eta giroa lasaia izango da egun osoz. Hego-haizea zakar edo oso zakar ibiliko da eta tenperaturan ez da aldaketarik emango, 19-21 graduan joaz goia.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!