Hori bai, hodeiak nagusi izango dira eta zerua nahiko hodeitsu agertuko da egunaren zatirik handienean, nahiz eta, tarteka ostarte txiki batzuk ikusiko diren. Egunaren lehen zatian ipar-mendebaldeko haizea nagusituko da, arratsaldean ipar-ekialdekoa nagusituz. Tenperatura are gehiago jaitsiko da, 14-16 graduan joaz goia.
Bihar eguraldia ez da erabat sosegatuko. Goizeko lehen orduan euri pixka bat izango bada ere, goizean zehar eta arratsaldeko lehen orduak arte hodeiak eta ostarte txikiak tartekatuko dira eta giro lasaia izango da. Arratsaldeko lehen orduetan ez da baztertzen barnealdetik euri pixka bat sartzea, baina oso gutxi izango da. Hego/hego-ekialdeko haizeak joko du, arratsaldean bizi xamar. Tenperaturak zertxobait gora egingo du, 16-18 graduan joaz goia.