Arratsaldean tartekatuago eta ahulago egingo du, baina giro bustia izango da. Arratsalde erdi aldera atertu eta ostarteren bat edo beste ikusiko da, baina gauean berriz euria egingo du. Ipar-mendebaldeko haize bizia nagusituko da. Tenperaturak nabarmen behera egingo du, 15-17 graduan joaz goia.
Giro lasaiagoa izango dugu bihar. Egunsenti aldera euri pixka bat izango bada ere, goizeko lehen orduan atertuko du eta giroa lasaitu egingo da. Hori bai, hodeiak nagusi izango dira eta zerua nahiko hodeitsu agertuko da egunaren zatirik handienean, nahiz eta, tarteka ostarte txiki batzuk ikusiko diren. Egunaren lehen zatian ipar-mendebaldeko haizea nagusituko da, arratsaldean ipar-ekialdekoa nagusituz. Tenperatura are gehiago jaitsiko da, 14-16 graduan joaz goia.
