Hego-haizea nagusi izango da, non bolada bizi batzuk utziko dituen egunaren bigarren zatian. Tenperaturak nabarmen gora egingo du, 22-24 graduan joaz goia, txoko batzuetan gorago geratzea baztertu gabe.
Antzeko giroa izango dugu bihar. Goizean zeruan urdina nagusituko da eta giro eder batez gozatu ahalko da. Arratsaldean bero-hodei batzuk garatuko dira, baina ekaitzetarako joera txikia izango da eta orokorrean ateri eutsiko dio. Hego-haizeak joko du gehienean, azken orduetan iparrak muturra sartuko duelarik. Tenperaturak zertxobait behera egingo du, 21-23 gradua joaz goia.