Arratsaldean euri gutxiago botako du eta zaparradak askoz tartekatuagoak izango dira, aterrunea luzeagoak izango direlarik. Gauean berriz ere euritara joko du. Goizean mendebaldeko haize bizia ibiliko da, arratsaldean hego-mendebaldetik finkatuz, baina indarra galduz. Tenperaturak gora egingo du, 16-18 graduan joaz goia.
Giro lasaiagoa izango dugu bihar. Egunsentian zaparradaren bat geratuko bada ere, goizean bertan atertu eta ostarte batzuk zabalduko dira. Hala ere, arratsaldeko lehen orduetan euritarako joera txiki bat hartuko du eguraldiak eta zaparradaren bat izango da, nahiz eta, oso euri gutxi botako duen. Ondoren, arratsalde erditik aurrera atertu eta giro lasaiarekin emango zaio amaiera egunari. Goizean hego-mendebaldeko haizea ibiliko da, arratsaldean iparraldekoa nagusituz. Tenperaturak gora egingo du, 18-20 graduan joaz goia.
