Hego-ekialdeko haize bizia ibiliko da, bolada zakarrekin eta tenperaturak gora egingo du, 20-22 graduan joko duelarik goia egunaren erdiko orduetan.
Antzeko giroa izango dugu bihar. Goizean erdi eta goi-mailako hodei batzuk agertuko dira, baina ostarteak izango dira nagusi, non zabalagoak izango diren eguerditik aurrera, arratsaldeko lehen orduak eguzkitsuak izanik. Azken orduetan hori bai, zeruan hodeiak ugarituko dira eta ez da baztertzen zaparradaren bat botatzea, nahiz eta, ez den euri askorik espero. Hego-haizea ibiliko da eta tenperaturak gora egingo du, 22-24 graduan joaz goia.
