Eguerditik aurrera atertzera egingo du, nahiz eta kostako zaion eta ostarte batzuk ere zabalduko dira. Ipar-mendebaldeko haizea ibiliko da eta tenperaturak dezente egingo du behera, 17-19 graduan joaz goia egunaren erdiko orduetan.
Giro egonkorra izango dugu bihar. Goizean ostarte zabalak nagusituko dira eta giro eguzkitsu eta ederra nagusituko da. Arratsaldean erdi eta goi-mailako hodeiak ugarituko dira, baina tantaren bat salbu giro ateri eta lasaiak jarraipena izango du. Hego-ekialdeko haize leuna ibiliko da eta tenperaturak gora egingo du, 20-22 graduan joko duelarik goia egunaren erdiko orduetan.
