Arratsaldean erdi eta goi-mailako hodeien presentzia areagotu egingo da, baina ez dute inolako ondoriorik ekarriko eta giro lasai eta atseginak jarraipena izango du. Hego-haizeak goizean zakar joko du, arratsaldean indar pixka bat galduz. Tenperaturak gora egingo du, 23-25 graduan joaz goia.
Giro ezegonkorragoa izango dugu bihar. Goizean ostarte zabalak eta giro eguzkitsu eta bikaina nagusituko dira. Arratsaldean aldiz bero-hodeiak garatuko dira eta ez da baztertzen ekaitz isolaturen bat lehertzea. Hala ere, gehienean ateri eutsiko dio. Hego-haizeak joko du, baina tenperatura jaitsi egingo da, 20-22 graduan joaz goia.