Zaparradaren bat edo beste izanagatik, euri gutxi izango da. Arratsaldean ordea eta, batez ere, azken orduetan euri dezente egingo du eta litro batzuk pilatuko dira. Ipar-haizea nagusituko da eta tenperaturaren beherakada nabarmena izango da, 16-18 graduan joaz goia.
Egonkortzen hasiko da bihar. Goizean oraindik hodei asko izango da zeruan eta euri giroa nagusituko da, non tarteka oraindik zaparrada mardulak izango diren. Arratsaldean pixkanaka atertzera egingo du, azken orduetan ateri geratuko da eta ostarte txiki batzuk ere irekiko dira. Ipar/ipar-mendebaldeko haizea ibiliko da eta tenperaturak beste koska bat behera egingo du, 15-17 gradu bitartean joaz goia.
