Arratsaldean ordea fronte bat iritsiko da eta arratsalde erditik aurrera euritara joko du, tarteka zaparrada mardulak botako dituelarik. Goizean hego-mendebaldeko haizea ibiliko da, arratsaldean ipar-mendebaldetik finkatuko delarik. Tenperatura igo egingo da, 21-23 graduan joaz goia.
Giro kaxkarra izango dugu bihar. Egun osoan zehar hodeiek zerua estalirik mantenduko dute eta euritarako joera izango du eguraldiak. Zaparradak egun osoz emango dira, baina ugarienak eta mardulenak arratsaldean izango dira, non gogotik botako duen tarteka. Ipar-haizea nagusituko da eta tenperaturaren beherakada nabarmena izango da, 16-18 graduan joaz goia.
