Zaparrada eta zaparrada tartean lasai uneak izango dira eta euri gehiago egingo du goizean eta azken orduetan. Ipar-mendebaldeko haize zakarra nagusituko da eta tenperaturak nabarmen egingo du behera, 16-18 graduan joaz goia.
Egonkortzen hasiko da eguraldia, bihar. Goizean hodeiak ugariak izango dira eta oraindik euri zaparrada batzuk izango dira. Eguerditik aurrera atertzera egingo du, arratsalde erditik aurrera erabat ateri geratuko delarik eta azken orduetan ostarte batzuk zabalduko direlarik. Goizean ipar-mendebaldeko haizea ibiliko da, arratsaldean ipar-ekialdetik finkatuz. Tenperaturak behera egingo du, 15-17 graduan joaz goia.
