Zaparradak tartekatuak izango dira eta euri litro gutxi izango da, baina puntualki ez da baztertzen ekaitzak jotzea. Hego-ekialdeko haizeak joko du eta tenperaturan ez da aldaketarik espero, 23-25 graduan joaz goia.
Antzeko giroa izango dugu bihar. Goizean erdi eta goi-mailako hodeien presentzia handia izanagatik, ostarte batzuk ikusiko dira eta giro lasaia izango da. Arratsaldeko lehen ordutik aurrera ordea, giroa ezegonkortu egingo da, hodeiak nagusituko dira eta euritara joko du. Zaparrada tartekatuak izango dira, baina tarteka ekaitzak joko du eta litro batzuk pilatuko dira. Goizean hego-haizea ibiliko da, arratsaldean ipar-ekialdetik finkatuz. Tenperatura zertxobait jaitsiko da, 21-23 graduan joaz goia.
