Arratsaldeak aurrera egin ahala ordea, hodeiak are gehiago trinkotuko dira eta euritarako joera nabarmenagoa hartuko du, azken orduetan mardul botako duelarik. Ipar-mendebaldeko haize bizia nagusituko da eta tenperatura antzeko kokatuko da, 18-20 graduan joaz goia.
Giro kaxkarra izango dugu bihar. Egun osoan hodeiak nagusi izango dira eta euri giroa nagusituko da. Goizean euria ugari eta mardul botako du, tarteka erruz botako duelarik. Eguerditik aurrera aterruneak luzatu egingo dira eta dezentez euri gutxiago botako du, nahiz eta, ez duen erabat atertuko. Ipar-mendebaldeko haize bizia nagusituko da goizean, arratsaldean ipar tenteagoa gailenduko delarik. Tenperaturak behera egingo du, 15-17 graduan joaz goia.