Aurreko egunekin alderatuta euri kontu gutxi izango da. Egunean zehar han-hemenka tantaren bat izango bada ere, bereziki goizean, orokorrean aterruneak luzeak izango dira eta giroa lasaia izango da. Goizean mendebaldeko haizea ibiliko da, arratsaldean iparraldekoa nagusituz. Tenperatura igo egingo da, 22-24 graduan joaz goia.
Kaskartzera egingo du eguraldiak bihar. Goizean hodeiak eta ostarteak tartekatuko dira eta orokorrean ez da euri kontu askorik espero, gehienean nahiko ateri izango delarik. Arratsaldean aldiz hodeiak ugaritu eta tantaren bat edo beste izango da, nahiz eta, gutxi botako duen. Goizean hego/hego-mendebaldeko haizea ibiliko da, arratsaldean ipar-mendebaldetik finkatuko delarik. Tenperatura jaitsi egingo da, 20-22 graduan joaz goia.